Ընդունելություն

Ընթացակարգ

Մենք փնտրում ենք աշակերտների, ովքեր իրենց վերլուծական մտածելակերպով և ինքնուրույն աշխատելու ունակությամբ, անձնային հատկանիշներով և նախկին ձեռքբերումներով ներդրում կունենան BISA-ի ուսումնական և հասարակական գործընթացներին:

Ժամանակացույց

2018թ. Բաց դռների օրերը իրականացվել են Հուլիս և Օգոստոս ամիսներին: Բաց դռների օրերի ժամանակացույցին ծանոթանալու համար հետևեք մեզ Facebook-ում, Instagram-ում և Նորություններ բաժնում:

Բաց դռների օր: հուլիս և օգոստոս
Դիմումի ներկայացում: Հուլիսի 2 — Օգոստոսի 17, 2019
Դիմումի վերջնաժամկետ: Օգոստոսի 17, 2019
Քննությունների փուլ: Օգոստոս 20 — 25, 2019
Հարցազրույցներ: Օգոստոս 27, 28, 2019
Արդյունքների հրապարակում: Օգոստոս 30, 2019
Պայմանագրերի կնքում: Սեպտեմբեր 1 — 7, 2019
Աշնանային կիսամյակի սկիզբ: Սեպտեմբեր 10, 2019

Ուսման Վարձ
և Կրթաթոշակ

Միջազգային A-Levels ծրագիր

A-level ծրագրի տարեկան ուսման վարձը կազմում է 1 200 000 (մեկ միլիոն երկու հարյուր հազար) ՀՀ դրամ: Ուսման վարձն իր մեջ ներառում է A-level դասընթացներն ու տարեվերջյան ավարտական քննությունները, TOEFL/IELTS և SAT քննությունների նախապատրաստական դասընթացները, ինչպես նաև արտասահմանում ուսումը շարունակելու խորհրդատվության ծառայությունը: Բավական է համեմատել այսքանը 8,000-ից 30,000 ԱՄՆ դոլար արժողությամբ A Level և Միջազգային բակալավրիատ (IB) ծրագրերի հետ, որոնք ներառում են միայն դասընթացների արժեքը։
*Վճարված գումարները վերադարձի կամ փոխհատուցման ենթակա չեն:

Միջազգային iGSCE Ծրագիր

2018-2019 ուստարվա համար միջին դպրոցի GSCE ծրագրի ամսական վճարը 5-րդ և 6-րդ դասարաններում կազմում է 35 000 ՀՀԴ, իսկ 7-րդ դասարանում՝ 47 000 ՀՀԴ:

*Վճարված գումարը ետ վերադարձման ենթակա չէ:

Կրթաթոշակ

BISA-ի սկզբունքներից մեկն այն է, որ աշակերտի առաջադիմությունը պեպք է պարգևատրվի: Առավելագույն միավորներ ստացած աշակերտները հնարավորություն ունեն ստանալու մինչև 100% կրթաթոշակ: Կրթաթոշակները վերանայվում են տարին երկու անգամ՝ աշակերտների առաջադիմությանը համապատասխան:

Դիմում Հայտ

Լրացնել դիմում հայտը և այցելել դպրոց դիմումը ամբողջականացնելու համար: Դիմում հայտին կից պետք է ներկայացնել նաև 3×4 երկու լուսանկար՝ անձնագրային լուսանկարի ձևաչափով, ծննդյան վկայականի կամ անձնագրի պատճենը, ծնողների անձնագրերի պատճենները, 2016-2018 ուստարիների գնահատականների ամփոփաթերթիկների պատճենները, վկայականների, հավաստագրերի, դիպլոմների, պատվոգրերի, գովասանագրերի, շնորհակալագրերի կամ այլ նմանատիպ փաստաթղթերի պատճենները (եթե առկա են), 2 երաշխավորագիր նախկին ուսհաստատություններից: