Հայաստանի բրիտանական դպրոցը հնարավորություն է ընձեռում ձեր երեխաներին բարելավել անգլերեն լեզվի իմացությունը, նոր ընկերներ ձեռք բերել և դասընթացի վերջում ստանալ Cambridge English միջազգային վկայական: Երեխաները կարող են հաճախել Young Learners English ծրագրի համապատասխան խմբի դասընթացներին:
Զվարճալի քննարկումների, զանազան դերային խաղերի, ուսանողական նախագծերի և խմբակային աշխատանքների միջոցով մենք կենտրոնանում ենք հաղորդակցման հմտությունների զարգացման վրա: Դասերն անց են կացվում փոքր խմբերով, որպեսզի յուրաքանչյուր երեխա անհատական ուշադրության արժանանա ուսուցչի կողմից: Ամեն շաբաթ կազմակերպվում են արտադասարանական միջոցառումներ՝ զարգացնելու ձեր երեխայի հաղորդակցման հմտությունները և անգլերենի իմացությունը:
